Paokmania.Gr

Dinos_Liverpool έγραψε:Σεμόν το χωρίον λέγνε και "αγούτο" και "αβούτο". Τεμόν οι παππούδες καλάτσευαν: "αγούτο". Ατό επέμνε σ' ωτία μ' και να με συγχωράς πουγαλεμένε παπά που εγενέθες και το 1964 πα!

(Είδες ντο έξυπνος είμαι, α; Ούλα γανεύατα!)

Υπαρχουν και τα 2..
Πολλοι χρησιμοποιουσαν το Β και πολλο το Γ.
Απο ιδιωματισμους ηταν γεματος ο Ποντος.

Dinos_Liverpool έγραψε:Εγώ κι πα όλα είν αρχαία, νεπαι Γιωρίκα.

Αλλά εποίκα ένα λάθος πριν. Κι θυμούμαι καλά και είπε με και η μάνα μ, "αβούτο" εν το σωστόν. Αγούτο κιεν! Ντο θα ίνεται ατώρα εγώ εντρέπουμαι! Εβρήκα το! Θα βάλω κοσκίν σο κιφάλι μ!

Μω το θαμας.Ατοσον τρανο που εβρες ατο,και χωρει απες το κιφαλι σ?

Δελεάσκεσαι, νέπαι ποπά! Το κιφάλι μ μικρόν εν... το λιλί μ εν το τρανόν!

Ξαϊ μην φουρκιεσαι. Ο Ποντος ετονε α σην Ελλάδαν δύο φοράς τρανός. Σ' ουλεα τα μερ' κι καλατσεύανε τα οιττονα.
Το "αγούτος" και γώ πάλεν αγροίκατο. Αμα κι' αρέζ'με.

Ποπά τον Ντίνο μην γουζεύες, α γαμώνε μας και το μωρό ποίος α τερεί;

Dino(γιαμ εν Κωστικας) εντραπ ενα ξαι.
Αετς καλατσευναι σον ποπα?Εγω ban κι πορω να συρω σε,
για τ ατο θα λες εκατο φορας το πατερ ημων.
Ενας καλομανα ελεγεν...πουλι μ το λιλι σ,αν εν λεγνον ας εν μακρυ,κι αν εν κοντον ας εν χοντρον.

Ατωρα,αν εν ατοσον τρανον τεσον,δεβα σον Βαγγελη και ποισον ενα χατηροπον.
Α πουλι μ,γιο ξαμ νερασκεσαι?

Σην Ευξεινο Λεσχη Σερρών 'α ινουντε μαθηματα Ποντιακων καθε Τριτ' 6:30-8:00 και Τετάρτ' 5:30-7:00.
Εφετο εν ο δευτερον χρονος των μαθηματων και το προγγραμμα εν απες σο ΕΣΠΑ.
Τα μαθηματα εν δωρεαν και το βιβλιον εχ κοστος 15€.
Τερεστεν ατο :
http://www.e-papadakis.gr/files/pontiaki_glossa.pdf

Οποιος πα κ'εν ασα Σερρας ας αραεβ την Ευξεινο Λεσχη του τοπου ν'ατ.
http://www.radioarothimia.com/nea/ponti ... is-elladas

Έμορφα πράγματα ίνουνται σην Εύξεινον Λέσχην των Σερρών. Όποιος εν κοντά να περ' τα ποδάρα νατ και να πάει να μαθάν την γλώσσαν ντο καλάτσεβαν σον Πόντον τεμετέρς. Γουρπάν σ' αβούτον ντο σκέφτηκε και οργάνωσε πα αείκα τα πράγματα.

Ποπά, σουκ! Έπαρ τη γαρής και δέβα... Ξα μη κάθεσαι!

prist64 έγραψε:

Dinos_Liverpool έγραψε:Εγώ κι πα όλα είν αρχαία, νεπαι Γιωρίκα.

Αλλά εποίκα ένα λάθος πριν. Κι θυμούμαι καλά και είπε με και η μάνα μ, "αβούτο" εν το σωστόν. Αγούτο κιεν! Ντο θα ίνεται ατώρα εγώ εντρέπουμαι! Εβρήκα το! Θα βάλω κοσκίν σο κιφάλι μ!

Μω το θαμας.Ατοσον τρανο που εβρες ατο,και χωρει απες το κιφαλι σ?

Γιατι κι γραφς ποπας64 κι εντρεπεσε ντο ποντιος είσαι;

eorptol έγραψε:

prist64 έγραψε:

Dinos_Liverpool έγραψε:Εγώ κι πα όλα είν αρχαία, νεπαι Γιωρίκα.

Αλλά εποίκα ένα λάθος πριν. Κι θυμούμαι καλά και είπε με και η μάνα μ, "αβούτο" εν το σωστόν. Αγούτο κιεν! Ντο θα ίνεται ατώρα εγώ εντρέπουμαι! Εβρήκα το! Θα βάλω κοσκίν σο κιφάλι μ!

Μω το θαμας.Ατοσον τρανο που εβρες ατο,και χωρει απες το κιφαλι σ?

Γιατι κι γραφς ποπας64 κι εντρεπεσε ντο ποντιος είσαι;

Εγω ποπας κι ινουμε,σα ιερα κι εμπαινω

Αααα...ατώρα εγρίξα... Πριτς (ποπάς κι ίνουμε)64 ήθελες να λες και εδελεάστες και έγραψες Πριστ64!!! Ντο να φτάμε; Ανθρώπ είμες!

Χαχα ατο εν

Dinos_Liverpool έγραψε:Αααα...ατώρα εγρίξα... Πριτς (ποπάς κι ίνουμε)64 ήθελες να λες και εδελεάστες και έγραψες Πριστ64!!! Ντο να φτάμε; Ανθρώπ είμες!

Αν εμνε ποπας θα εγραφτα priest64,επειδη ειμαι "ποπας' ποπας,γραφτω prist64.
Εγανευσατε οι δυς πα?

Καλά εποίκε μας, παιδά ασήν Πτολεμαίδα! Εμείς εθάρσαμε κι γανέβ εγγλέζικα τεά... Αβούτος εν δέσκαλος τρανός!

Γιαλαντζί ποπάς, για να λέγμε τα πράγματα με τ όνομα νατς! Εκόμπωσέ μας ο Σερραίος! Άμα φτάει τραπέζ αβούτος, εγώ θα ίνουμε Έβερτον!

Dino, Σερραιος κι ειμαι,ασ΄ σ΄Ωραιοκαστρον ειμαι.
Το τραπεζ΄θα φταγ΄ατο,μ΄αληγορεις να φορεις τα μπλε.
Θαρεις αρεσ΄με να κομπων΄σε εείνος ο μιζετερον ο Αποστολον?
Για ΄ς τερω σε μιαν, με το καμις τη Miralas,και ΄π΄εκει χανω τ΄αχουλιμ.
Για πε με,οταν ενουσνε Liverpool,έλεπες Χαιγουέι,Χανσεν,Ρομπερτσον,Κηγκαν,Νηλ κλπ
η ασ΄σον Νταγκλις και ΄π΄εκει?

Θυμούμαι καλά τον Κήγκαν και τον Χέιγουει. Θυμούμαι που επήεν ση Γερμανίαν και εστεναχωρέθα. Απ' εκεί και μετά θυμούμαι τσιπ καλά πολλά παιχνίδεα...

Εσύ τέρεν, ξα να μην αλλάζεις το θέμα μας... Πεινώ και τρώω και πολύ πα! Περμένω άμον τον αλεπόν ντο ιρεβ να φευ ο νοικοκύρς να γομούται απές σο κοτέτς με τα κοσάρας...