Παιδία ατό ντο θα γράφω ατώραν εν πολύ σοβαρόν :
Aτό ετον!!! Eτελεθεν!!! Ο Γαλατσόπουλον επουλτσεν τα μετοχάς σον Ζητρον! Καλά επεικεν, πασκεί ντο κι ές να μοιάζ? Ούλα πουλούνταν και ούλα αγοραζουνταν! Έπεν αυτό και ο Ζαγοράκης. Σα μετοχάς α κωλύουμες εμείς? Aδακα επουλτσαμεν τ' ανθρώπς, ντο ψήν έχνε τα χαρτία? Kανηναν πά.
Aτωρα να ελεπωμεν ντο α ίνετε. Ο καιρόν θα δειξείζ ατό...
Σε εμέν επέμνεν η πικρία και η χολήν!!! Γιατί τόσον καιρον η ομάδα πάει α σο κακον σο χειρότερον και εμείς εκοιμουμες. Εγώ πά. Mαναχα ένα δυο αδέρφια τσαιζαν και βάρκιζαν άμα κανεις κι έκουεν. Παστάν κοιμισμένοι ημες. Α σο μύτη εμούν και αφκα, ξαει να τερουμε κι επορουμε. Την τελευταίαν την αγωνιστικήν εγνεφτσαμεν για δυο ώρας και ύστερα ερουξαμ αξάν αφκα και εξεραουμες. Eλεπωμεν ντό ίνετε και ξαει κι εγκροικουμεν.
Και αναχαπαρα η ομάδα επουληεν. Και ατωρα ασκαλονουμε να κλαίμε, να βρίζουμε, να τσαιζουμε και χολεσκουμες μεταξύ μας, αδέρφια άνθρωπ. Aτωρα εν αργά. Το φταιξιμον εν τεμετερον.
Ο σεφτελον ο Πανελούδης, 40 ώρας να ές κι ακεινα σο κρεβάτ, κι φταίει. Τα φράγκα τ θέλ να παίρ (σην γούλαν ατ' να κάθουνταν και σοι γιατροις να τρώει τα). Ατός εν έμπορας, πουλει και αγοράζ.
Εμείς, ποτε θα μαθανομεν α σα λάθ εμούν??? Καμιάν πά, γιοξάμ έντονε ατό το παθεμαν, μαθεμαν για τ' εμες?
Ντο νουνιζετε εσείς αδέρφια Παοκτζήδες? Έχω άδικον να λέω ατά αέτς??
Eντρεπουμεν....
...και λυπουμεν...